Tələbə kartınız üçün pulsuz rəqəmsal foto

Azərbaycan Tələbə Kartı haqqında

Azərbaycan Respublikasının Prezidenti cənab İlham Əliyevin 7 iyul 2011-ci il tarixli Sərəncamı ilə “Azərbaycan gəncliyi 2011-2015-ci illərdə” Dövlət Proqramı təsdiq edilmişdir. Dövlət Proqramının 6.7.1. bəndində təhsil alan gənclərə sosial dəstəyin artırılması məqsədi ilə “Azərbaycan Tələbə Kartı”nın tətbiq edilməsi və gənclərin beynəlxalq güzəştli kartlar sisteminə qoşulması nəzərdə tutulmuşdur. Bununla əlaqədar olaraq Azərbaycan Tələbə Gənclər Təşkilatları İttifaqı “Azərbaycan Tələbə Kartı”nın Avropa Gənclər kartı ilə birgə buraxılması və kartların tələbələrə dövlət hesabına təmənnasız verilməsi təşəbbüsü irəli sürülmüşdür. Təşəbbüs Gənclər və İdman və Təhsil Nazirlikləri tərəfindən dəstəklənmişdir. Azərbaycan gənc kart vasitəsilə gənclərin mobilliyi haqqında razılaşmaya 2012-ci ilin mart ayında qoşulmuşdur və Azərbaycan Tələbə Gənclər Təşkilatları İttifaqı Avropa Gənclər Kartını təmsil edir. Azərbaycan Tələbə Kartının Avropa Gənclər kartı ilə birgə buraxılması Azərbaycan tələbələri üçün ölkə ərazisində, eləcə də Avropanın 30-dan çox ölkəsində 80.000-dən artıq ictimai iaşə obyektlərindən, kafe və restoranlardan, otellərdən, internet klublardan və s.dən güzəştlərlə istifadə etmək imkanını verir.

Avropa Gənclər kartı (EYCA)

"Azərbaycan Tələbə Kartı" Avropa Gənclər kartı (EYCA) ilə birgə buraxılır.

EYCA-nın sloqanı “Qənaət edilmiş pul-qazanılmış puldur”.

EYCA-nın beynəlxalq əməkdaşları:

• Avropa Şurası
• Avropa Birliyi
• Avropa Şurasının Gənclər və İdman Məsələləri üzrə Direktorluğu
• Avropa Gənclər Forumu
• Avropa Valantyorlar xidməti
• Avropa Hostellər Assosiasiyası
• Avropa Dəmiryol Daşıyıcıları

Plastik Kartın üzərində Avropa Gənclər Kartının loqosu var və ona uyğun olaraq kartın içində mikroçip yerləşdirilib. Bu da kart sahibinə Avropanın 37 ölkəsində aşağıdakı 80.000-dən artıq və Azərbaycanda 450-dən artıq obyektlərində 5% -dən - 55% -dək endirimlər təklif edir.

• səyahət zamanı: otellər və hostellər, ekskursiyalar və turlar
• nəqliyyat: qatarlar, avtobuslar, hava və su nəqliyyatı
• mağazalar: kitab, idman, paltar və digər
• yemək obyektləri: restoranlar və kafelər
• xidmətlər: sığorta, abunə servisi, bələdçi

Azərbaycan Tələbə Kartını necə əldə eləmək olar?

"Azərbaycan Tələbə Kartı" tələbələrə pulsuz təqdim olunur. www.countdown.az , www.eyca.az internet saytlarından obyektlərin adlarını, ünvanlarını, mövcud olan faiz dərəcələrini öyrənmək mümkündür. Daha bir yenilik ondan ibarətdir ki, həmin saytları telefonda işlətmək üçün xüsusi application da yükləmək mümkündür.Bu proqramın köməyilə daha asan yolla telefondan endirimli yerlərin ünvanını öyrənmək mümkün olacaq. Hər hansısa obyektdə endirimdən imtina etsələr, tələbə dərhal kartın üzərində mövcud olan "187" “Qaynar xətt”ə zəng edib bu haqda məlumat verə bilər.

2013-2014-cü illər ərzində 197602 nəfər tələbə "Azərbaycan Tələbə Kartı" ilə təmənnasız təmin edilmişdir.

Azərbaycan tələbə kartı üçün fotoşəkil tələbləri

Azərbaycanda tələbə kartına fotoşəkil üçün tələblər aşağıdakılardır:

• Şəkildə üzü kameraya doğru baxmalısınız
• Şəkil 'qırmızı göz' effekti olmadan aydın və diqqətli bir şəkildə çəkilməlidir
• Arxa fon ağ rəngdə olmalıdır
• Kölgə olmamalıdır
• Üzü aydın və görünən etmək üçün saçlar kənarda olmalıdır.
• Gözlər açıq, ağız bağlı olmalıdır
• Ölçüləri: Eni: 30mm, Hündürlük: 40mm olmalıdır